Arts

A Filipino in Prayer

(Scenario: A contemporary Filipino in the Philippines saying his evening prayers. Amidst the rice shortage and rising fuel costs, he still hopes and believes in Divine Providence)

Dear Lord Jesus,

Kumusta ka na? Regards lang dyan kay Father Almighty at kay Holy Spirit.

Paki hello nga kay Blessed Virgin Mary.

Ako naman nandito sa Pinas, nagtitiis. Lord, alam mo naman mahirap ang buhay dito. Mainit at parating umuulan. Mahal ang bigas at diyos ko! Double-mahal ang gasolina. Kulang talaga mga suweldo naming para magbayad ng bills. At saka yung elections dito, nakupo, barilan! Ayaw ko na mag vote baka matama-an ako ng bullets.

Ikaw Lord, kumusta na ang Heaven. Saan ba talaga kayo nag-iistambay? Sana naman makasama ko kayo, pero huwag muna, ayoko pang mamatay eh. Next time na lang ha?

Gustong-gusto ko talaga pumuntang America. Yung United istates ba. Sabi nila maganda daw doon. Maraming pera mga tao at may mga sariling kotse lahat sila.

Meron akong pinsan galing California. Dati dito, mahirap siya pero ngayon medyo mayabang na. Sabi dalawang bahay niya at bawat anak niya merong sariling sasakyan.

Araw-araw daw, isteak kinakain nila. Pagdating dito, humahanap ng isda! Dito eh, isda ulam naming everyday. Sana magkaroon din kami ng isteak.

Lord, it’s been a long time na nagdadasal ako sa iyo. Sana naman ipadala mo ako sa America. Kapag doon na ako, I will thank you by praying two times a day. Talaga, po. Gusto ko na may ginhawa ang buhay ko. Dito trabaho ng trabaho pero kulang pa rin. Sana naman mag asenso yung buhay ng lahat dito sa Pinas. Pero kailangan malaking pera para makagawa ng pera eh. Kung hindi mo ako mapadala sa istates, eh di, sana manalo nalang ako ng sweepstakes dito. Sige naman , Lord.

Sabi ng pinsan ko yung mga Pinoy sa America ay busy sa work. Marami sa kanila hindi na nagsisimba sa paghanap ng pera. Ang nakakatawa dyan eh, yung mga Pinoy dito dasal ng dasal pero wala namang pera. Kung tingnan mo, yung hindi dumadasal sa istates maganda ang buhay. Yung dumadasal dito sa Pinas, ang pangit ng kalagayan. Bakit naman? Pero promise ko sa iyo, Lord. Makapunta ko doon, sisimba ako everyday, po.

Sige na, Lord. Alam ko busy ka dyan. Pero please naman. Do not forget the unfortunate Filipinos dito sa Pinas. Mas maganda yung mga ugali namin dito kasi sa hirapan, nagtutulungan kami. Salamat naman sa kanin, isda, at karne norte yung kinain namin for dinner. Goodnight Lord at saka mahal kita..

written by: John F Lacson/pinoywired.com

Author’s Note: This prayer piece is not meant to demean the Filipinos in the Philippines. It is a gentle reminder to the Filipinos in America (or abroad) as to how lucky we are. The Lord Jesus would want us to reach out and help our less fortunate brothers and sisters back home.